PARTE 14

Panon Mon Nipanengneng a Matoor Ka ed si Jehova?

Ondapag ed Dios. 1 Pedro 5:6-9

Iiwasan na sakey a Kristiano so mibiang ed palson relihyon tan politika

Agmibibiang ed anggan anton tradisyon ya kontra ed Biblia. Kaukolan so pakpel pian nagawaan iya.

Agmibabali ed politika; ag-iratan onsusuporta ed si Jehova tan ed Panarian to.

Pilien so duga, say idengel ed Dios. Mateo 7:24, 25

Onaatendi so sakey a laki ed aral diad Kingdom Hall, tan manpapaiyaral na Biblia ed sakey a Tasi nen Jehova

Milimog ed saray Tasi nen Jehova; tulongan da kan napaapit ed Dios.

Itultuloy so manaral nipaakar ed Dios tan pansagpotan ya tuloken iray ganggan to.

Indedika na laki so bilay tod si Jehova diad pikakasi tan nampabautismo

No mabiskeg lay pananisiam, nepeg mon idedika so bilay mo ed si Jehova tan manpabautismo.—Mateo 28:19.

Dengel moy Dios. Basam so Biblia, tan patulongan ed saray Tasi nen Jehova pian natalosan mo itan. Insan iyaplikam so naaralan mo. Diad ontan et manbilay ka ya andi-angga.—Salmo 37:29.