“Siak so Maliket a Mamili ed Awake!”

Ontan so insulat nen Frank Senge ed Post-Courier na Papua New Guinea. Diad sinimban egpang to ed Hulyo 19, 1988, impaliwawa nen Senge:

“Saray karga ed pahina na magasin ya [Awake!] so mangipapaliwawa a sikato so nipapalapag diad ‘pakaliwawaan na interon pamilya.’

“‘Ipapanengneng to no panon so panalona ed saray problema natan,’ kuanto.

“Tan tuan ontan. Aliwan singa saray dakel a palapagan na arum ya iglesia odino magasin, say Awake! so mangipapaliwawa ed Dios diad panamegley na saray minumundon probleman wala ed kaliberliber tayo. . . .

“Saya so singa relihyoson propaganda (siak so aliwan sakey a [Tasi]) . . . balet no saray magasin so husgaan tayo, a para ed pamilya, siak so maliket a mamili ed Awake!”

Liknaen min sikayo so manliket ed Awake! sikato so walaan na promedyon nipiprinta a 11,250,000 kopya a kada paway tan nipapalapag ed 54 lenguahe.