Panon Importante so Itsura Yo?

“Siak so nanaburido ed itsurak,” insulat na tobonbalo a nanlapud Beaver, Falls, Pennsylvania, E.U.A. “Liknaen kon aggak magangana tan aliwan makapaayat.” Insalaysay to: “Manggan ak na daiset ed pigaran agew, tan nabawasan so belat ko, balet siak so ontanlan naerasan a manlapud agpanggakan a siak so maseba ed tagano ed ontumbok ya agew tan gamoran lamet iman a belat.”

Saginonor, diad Kristianon kumbension, inkuanto: “Nimmengneng ak ed espeho tan inkuan ed sakey a kaaro, ‘Aliwliwa so itsurak!’

“Sayan kaarok a maong so tinmepet no abasak la so sektion a ‘A Look at How You Look’ ed libron Questions Young People Ask​—Answers That Work. Imbagak ya andi ni. Inkuanto ed siak, ‘Aggik, nepeg mon onsempet ed labi tan basaen iman.’ Tan onman so ginawak.

“Liknaen kon singa no babasaen so dilin estoryak. Insan akasabi ak ed sakey a tepet ya impanisip to ak, ‘Siopa ta so mangipaparungtal na ideya a kaukolan mo so nigeter ya itsura no sika so magmaliw a bantog, matalona, odino maliket?’”

Say ebat ed tepet, inkuan na sayan tobonbalo, so nanggawa na dramatikon impansalat ed bilay to. Anampot a: “Diad panamegley na makatulong iran suhestion ed libron Young People Ask, anengneng ko so pankaukolan na tampol a pangigeter na saray pangiyuna.”

Dakel iray desdes ed tobonbalo natan. Kaukolan da so tulong pian ontalona. Say Questions Young People Ask​—Answers That Work so mangitarok ed sayan tulong. Parad inpormasyon ed no panon a makawat na sakey a kopya ed sayan makapaayat ya ilustradon libro, sulatan tan ibuson so kupon.

Labay ko so makawat na 320-pahinan masekder-apis a libron Questions Young People Ask​—Answers That Work. (Sulatan so address ed leksab parad inpormasyon. Diad paway na Pilipinas onsulat ed lokal a sanga na Watch Tower parad inpormasyon. Nengnengen so pahina 2.)