“Say Imbisitak ed Kingdom Hall”

Si Laura,a sakey ya estudyante ed kolehyo, so inasain ya onatendi ed sakey a relihyoson pantitipon tan mangisulat na report ed obserbasyon to. Pinili toy Tastasi nen Jehova, tan say tema na salaysay to et “Say Imbisitak ed Kingdom Hall.” Antoy naimano nen Laura a duma nipaakar ed Tastasi? Arum ed dakel a bengatlan sinalambit to et saray onggendan.

Saray ugugaw: “Amin ya ugugaw so walad limog met na saray wala la’d edad. Diad amin a simbaan ya inatendian ko la, agkaiba na ugugaw so atateng da pian onatendi ed Sunday School.”

Pantutunosan ed rasa: “Kaslakan, say sasagyaten na saray relihyon a mimembro ed sikara et manlapud sakey a rasa odino etnikon grupo. . . . Balet, saray Tastasi nen Jehova so mankakayurongan tan agmanbibiigan.”

Maabrasan awawey: “Dakel a totoo so inmasingger tan akitongtong ed siak. . . . Siak so tinepetan ni ingen na arum no kasin wala lay mangiyaaral ed siak na Biblia. Ingen, agko alikna a papaskaren da ak. Sikara so . . . angiyabuloy ed siak a mandesidi.”

Anggapo iray koleksion: “Sakey a bengatlan anurprisa ed siak et anggapoy mangokolektay kontribusyon a parad simbaan. . . . Saray simbaan ya inatendian ko so mangokolekta ni ingen na saray kontribusyon diad saray pantitipon parad ugugaw.”

Wala so ngalngali 90,000 a kongregasyon na Tastasi nen Jehova ed sankamundoan. Akin ya agka ombisita ed walan sankaasinggeran ed sikayo?

[Paimano ed leksab]