Saray Pakabat

◼ Opresin literatura ed Marso: Pikakabat a Mangitonton ed Andi-Anggaan a Bilay. Gawaey nikaduman sagpot pian igapo so panangiyaral na Biblia. Abril tan Mayo: Indibidual iran kopya na Say Panag-Bantayan tan Awake! Iyopresi ed interesado so brosyur a Kakaukolanen, tan panggunaetan ya igapo so panangiyaral na Biblia. Hunyo: Iyopresi so brosyur a Kakaukolanen diad gagalan pangigapo ed panangiyaral na Biblia. IMANOEN: Saray kongregasyon ya agni nanpedido ed asaglawi ed tagey a kampanyan uusaren so nepeg a manggawa ed satan ed ontumbok a binulan Literature Request Form (S-AB-14) da.

◼ Say manangasikason manangimaton odino siopaman a pabtangan to so nepeg a man-audit ed saray kuenta na kongregasyon no Marso 1 odino tampol kayari to no nayadyari. Sano agawa la iya, iyanunsio itan ed kongregasyon kayarin nabasa so ontumbok a report na kuenta.

◼ Onggapo no Abril, saray manangasikaso na sirkito so mangiter na publikon paliwawa ya atemaan na “Si Jehova so ‘Atagey ya Ilang’ Parad Totoo To” sano ombisita’d saray kongregasyon.

◼ Saray manangipalapag a malabay a man-auxiliary payunir no Abril tan Mayo so kaukolan a manplano la natan tan iter da lan masakbay so aplikasyon da. Saya so ontulong ed mamatatken a manggawa na nakaukolan iran uksoyan ed lawak na kimeyan tan kiwala na magenap iran magasin tan ed arum a literatura.

◼ Lugan na sayan paway na Ministeryo Tayo ed Panarian so kompleton eskedyul na panagaral ed say libron Pay Attention to Daniel’s Prophecy! (Imanoen so Propesiya nen Daniel!) Nayarian yon ipa-xerox itan insan isigpit ed dili yon libro pian mainomay a nanengneng so eskedyul.

◼ Nagawa so Memoryal no Mierkoles, Abril 19, 2000. No nagagawa ed Mierkoles so miting yo ed kongregasyon, iyarunsa iraya ed sananey ya agew ed simba.