Saray Pakabat

◼ Opresin literatura ed Pebrero: Balanglan say libron Creation odino libron Revelation Climax so nayarin iyopresi. Marso: Say libron Pikakabat so iyopresi tan panggunaetan a nigapo iray panangiyaral na Biblia. Abril tan Mayo: Sansakey iran kopya na Say Panag-Bantayan tan Awake! Diad saray panagpawil, nayarin iyopresi na saray manangipalapag so pangitulor ed saray magasin a regular, tekep na kalat a nigapoy panangiyaral na Biblia.

◼ Kaukolan a repasoen na sekretaryo tan manangasikaso na serbisyo so aktibidad na amin a regular payunir diad mantapos na Pebrero. Diad satan et kaukolan ya akapangireport la ra na 420 oras. No walaray naiirapan a mangabot ed kakaukolanen ya oras, kaukolan ya iyareglo na mamatatken a tulongan ira ta pian nasapotan da so kulang ya oras legan na nakekeraan nin anem bulan ed serbisyon taon. Parad saray suhestion, repasoen so tinaon ya S-201 a sulat ya apetsaan na Oktubre 1, 2002.

◼ Say manangasikason manangimaton odino siopaman a pabtangan to so kaukolan a man-audit ed saray kuenta na kongregasyon ed Marso 1 odino tampol kayari na satan no nayadyari. Sano agawaan la iya, iyanunsio ed kongregasyon kayarin nibasa so ontumbok a report na saray kuenta.

◼ No Simba, Pebrero 16, 2003, wala so miting parad amin a manplaplanon man-auxiliary payunir legan na saray bulan na Marso, Abril, tan Mayo. Amin so napaseseg ya onatendi. Say manangasikaso na serbisyo so mangidaulo ed miting, tan seguroen ton wala so magenap iran Application for Auxiliary Pioneer Service ya ibunog ed amin ya onatendi ed sayan miting.

◼ Antokaman a miting a gendat lan niyeskedyul ed Mierkoles, Abril 16, 2003 so kaukolan a gawaen diad sananey ya agew legan na simba na Memoryal.

◼ Say espisyal a publikon paliwawa a nagawa no Abril 27, 2003 so apauloan na “Kasin Sinmabi la so Oras na Panangukom ed Babilonia?” Saray kongregasyon a walaan na bisita na manangasikaso na sirkito, espisyal ya agew ya asamblea, odino sirkiton asamblea diad sampot-simba na Abril 26-27, 2003 so kaukolan a mangiyeskedyul ed espisyal a publikon miting no Mayo 4, 2003.

◼ Balo Iran Publikasyon a Wala:

Onapit ed si Jehova​—Bicol, Cebuano, Hiligaynon, Iloko, Ingles, Intsik, Pangasinan, Samar-Leyte, Tagalog

Dayewen so Alenleneg a Tuan Dios ​—Cebuano, Hiligaynon, Iloko, Ingles, Intsik, Pangasinan, Tagalog

◼ Balon Videocassette a Wala:

Respect Jehovah’s Authority​—Ingles (Nipaakar iyan drama ed impanrebeldi nen Core a naimatonan diad 2001-2 a distrito iran kombension.)