Saray Pakabat
◼ Opresin literatura ed Agosto: Dinanman ed saray brosyur so nayarin iyopresi, balet maabig no nagkalautlan iparungtal so brosyur ya A Satisfying Life—How to Attain It. Setyembre: Life—How Did It Get Here? By Evolution or by Creation? Oktubre: Sansakey iran kopya na Say Panag-Bantayan tan Awake! Diad saray panagpawil, nayarin iyopresi na saray manangipalapag so regular a pangitulor ed saray magasin, tekep na kalat a nigapo so panangiyaral ed Biblia. Nobyembre: Say libron Pikakabat odino say brosyur a Kakaukolanen so nayarin iparungtal. No saray totoo et walaan la na saraya, iyopresi so libron Dayewen so Dios odino sakey a daan a publikasyon.
◼ Onggapo ed simba na Oktubre 20, 2003, aralen na saray kongregasyon a mansasalitay Cebuano, Hiligaynon, Iloko, Pangasinan, tan Tagalog so Dayewen so Alenleneg a Tuan Dios diad Panagaral na Kongregasyon ed Libro. Saray kongregasyon a mansasalitay Bicol tan Samar-Leyte so manaral ed libron Nankakasakey ed Panagdayew lapud anggapo ed lenguahe ra so libron Dayewen so Dios.
◼ Say manangasikason manangimaton odino siopaman a pabtangan to so kaukolan a man-audit ed saray kuenta na kongregasyon no Setyembre 1 odino tampol kayari na satan. Sano agawaan la, iyanunsio itan ed kongregasyon kayarin nibasa so ontumbok a report na saray kuenta.
◼ Say tinaon ya imbentaryo na amin a keran literatura tan magasin so kaukolan a gawaen no Agosto 31, 2003, odino tampol kayari na satan no posibli. Sayan imbentaryo so mipara ed aktual a bilang a binulan a gagawaen na manangasikaso na literatura, tan saray dagup so kaukolan ya ilista ed Literature Inventory form (S-18). Say dagup a bilang na saray akeran magasin so naala ed (saray) manangasikaso na magasin. Say sekretaryo ed kada kongregasyon so kaukolan a mangasikaso ed panag-imbentaryo. Sikato tan say manangasikason manangimaton so manpirma ed porma. Balang kongregasyon so makaawat na taloran Literature Inventory form (S-18) katekep na statement ed Hunyo. Ipangasin ipawit so orihinal diad sangan opisina ya ag-onlampas ed Setyembre 6. Isimpen so sakey a kopya na kongregasyon. Say komatlon kopya so nayarin usaren a panlistaan.
◼ Katekep na statement ed Hunyo, kada kongregasyon so makaawat na duaran kopya na Congregation Analysis Report (S-10). Say sekretaryo na kongregasyon so manugyop ed saray report ta pian susto tan malinis ton nisulat iraya diad porma, kayari na satan et kaukolan a repasoen itan a maong na service committee. Kaukolan ya ipawit so orihinal diad sangan opisina ya ag-onlampas ed Setyembre 6. Isimpen so komaduan kopya.
◼ Saray order parad Usisaen so Kasulatan ya Inagew-agew—2004 tan say 2004 Calendar so kaukolan ya ipawit la natan diad sangan opisina. Mangipawit kami na special order blank parad saraya katekep na statement ed Hunyo. No saksakey a kongregasyon so manguusar ed Kingdom Hall, nepeg a sulatan iya na manangasikaso na literatura tan ipawit to diad sangan opisina ya ag-onlampas ed Setyembre 6. Parad pigaran kongregasyon a manguusar ed saksakey a Kingdom Hall, saray order na kada kongregasyon so pankasakeyen na manangasikaso na literatura ed sakey ya order blank insan to ipawit diad sangan opisina.