Saray Pakabat

◼ Opresin literatura parad Nobyembre: Espisyal a kampanya parad pangiyopresi ed brosyur ya, Say Biblia​—Anto So Mensahe To? Disyembre: The Greatest Man Who Ever Lived. No walaray ananak na unabung, iyopresi so libron Manaral Manlapud Sankamaongan a Managbangat. Enero: Anto so Peteg ya Ibabangat na Biblia? No wala lay onian libro na unabung, nayarin iyopresi so anggan dinan ya 192-pahina a libro ya nipalapag antis na 1995. Pebrero: Say Sekreto na Liket ed Pamilya odino The Bible​—God’s Word or Man’s?

◼ Say espisyal a paliwawa ed taon 2011 et legay simba na Abril 25, 2011. Say tema na sayan paliwawa et ipaamta mi’d sikayo diad ontumbok iran bulan.

◼ Manlapud simba na Marso 14, 2011, say libron “Bearing Thorough Witness” About God’s Kingdom so aralen diad Panagaral na Kongregasyon ed Biblia na saray kongregasyon ya Cebuano, Hiligaynon, Iloko, tan Tagalog. Say aralen na saray kongregasyon ya Bicol, Pangasinan, tan Waray-Waray et say libron Onapit ed si Jehova. No kaukolan yoy man-order na suplay na sarayan libro, nepeg yon i-order iya diad onsublay ya pan-order yoy literatura.

◼ Pananguman ed Lugar na Kombension: Say pakagawaan na distriton kombension ed Tandag City, Surigao Sur no Nobyembre 5-7, 2010 et diad Prospero B. Pichay, Sr. Gymnasium, Brgy. Rosario, aliwa lan samay lugar ya walad Setyembre ya Ministeryo Tayo ed Panarian.