Saray Pakabat

◼ Opresin literatura parad Enero: Anto so Peteg ya Ibabangat na Biblia? No wala lay onian libro na unabung, nayarin iyopresi so anggan dinan ya 192-pahina a libro ya nipalapag antis na 1995. Pebrero: Say Sekreto na Liket ed Pamilya odino The Bible​—God’s Word or Man’s? Marso: Anto so Peteg ya Ibabangat na Biblia? Abril tan Mayo: Say Panag-Bantayan tan Awake!

◼ Selebraan so Memoryal ed sayan taon no Simba, Abril 17, 2011, kaselek na agew. Saray aral ed Simba so nepeg ya iyalis ed sananey ya agew ta pian say Memoryal labat so nagawa no Abril 17 likud ed pantitipon parad lawak na serbisyo. Kaukolan ya i-adjust na saray manangasikaso na sirkito so eskedyul da ed satan a simba unong ed lokal iran kipapasen. Ipawit ed kada kongregasyon iray inimprintan imbitasyon pian naimbitaan so amin ed teritorya ed sayan espisyal a selebrasyon.

◼ Say espisyal a paliwawa ed sayan taon so nipresenta legan na simba na Abril 25, 2011. Kabaliksan to sirin a gawaen itan na kaslakan a kongregasyon no Mayo 1, 2011. Say tema na paliwawa et “Saray Prinsipyo na Biblia​—Kasin Makatulong ed Sikatayo Pian Arapen Iray Problema Natan?” Saray kongregasyon a bisitaen na manangasikaso na sirkito odino man-asemblea ed satan a weekend so nawalaan na espisyal a paliwawa diad ontumbok a simba. Nepeg ya anggapoy nagawan espisyal a paliwawa antis na Abril 25.

◼ Onggapo ed Marso, say tema na balon publikon paliwawa na saray ombiabiahen manangasikaso et “Panon ya Aapektaan na Katuaan so Bilay Yo?”