Pangaligan Iran Presentasyon

Pangigapoy panangiyaral na Biblia ed unonan Sabado na Mayo

“Ibabaga na arum ya mairap kunon talosan so Biblia. Antoy nibaga yo ey? [Abuloyan ya onebat.] Nengneng yo pa yay ibabaga to dia ay.” Ipanengneng so beneg na Mayo-Hunyo ya Panag-bantayan, tan pantongtongan so unonan tepet tan anggan sakey ya teksto. Iyopresi iray magasin, tan iyuksoy so ipawil pian pantongtongan so onsublay a tepet.

Say Panag-Bantayan Mayo-Hunyo

“Amin tayo et walay problema. Kanian nononoten na arum no antoy gagala na bilay. Parad sika, akin kasi et dakel so agmaliket natan? [Abuloyan ya onebat.] Isisipan na Biblia ya asingger lan ekalen na Dios so amin ya problema tayo. [Basaen so Apocalipsis 21:4.] Ipaliwawa na sayan magasin no antoy nagawad arapen tan no panon ya natan ni labat et nawalaan ti’ lay maliket a bilay.”

Onliing! Mayo

“Iisipen na arum ya pian nakontrol so krimen, kaukolan ya aruman iray pulis. Antoy nibagam ey? [Abuloyan ya onebat.] Diad tua, ipopormisa na Biblia ya magano lan manampot so krimen. [Basaen so Salmo 37:10, 11.] Ipapaliwawa na sayan magasin ya talagan nagawa iya tan wala ra diay praktikal ya paraan pian naprotektaay sarili tayo ed krimen.”