Repaso ed Teokratikon Eskuelaan Parad Ministeryo

Say onggendan iran tepet et pantongtongan diad Teokratikon Eskuelaan Parad Ministeryo legan na simba ya onggapo ed Agosto 26, 2013. Akasulat met iray petsa no anton simba pantongtongan so kada punto pian makapan-research sano manpaparaan parad eskuelaan kada simba.

1. Anton importantin leksion so naaralan tayod impangawat nen Arin Herodes ed alablabas ya impangidayew ed sikato na totoo? (Gawa 12:21-23) [Hulyo 1, w08 5/15 p. 32 par. 7]

2. Panon a minabang iray Kristianon tobonbalo no dalepdepen tan aligen day ehemplo nen Timoteo? (Gawa 16:1, 2) [Hulyo 8, w08 5/15 p. 32 par. 10]

3. Sanen nadngel di Aquila tan Priscila si Apolos ya “makpel a nansalita” diad sinagoga ed Efeso, panon dan tinulongan? (Gawa 18:24-26) [Hulyo 15, w10 6/15 p. 11 par. 4]

4. Antoy Makasulatan a basiyan na Saray Tasi nen Jehova diad iyaapela dad saray korte pian naprotektaay kanepegan dan manpulong? (Gawa 25:10-12) [Hulyo 22, bt-E p. 198 par. 6]

5. Antoy ginawa nen apostol Pablo pian makapanpulong anggan akapriso ed Roma, tan panon ya aaligen na saray lingkor nen Jehova natan so alimbawa to? (Gawa 28:17, 23, 30, 31) [Hulyo 29, bt-E p. 215-217 par. 19-23]

6. Akin ya imbaga na Biblia a saray homoseksual ya gawa et sumlang ed inkapalsa tan mabanday? (Roma 1:26, 27) [Ago. 5, g-E 1/12 p. 28 par. 7]

7. Panon ya asakbongan na “dondon a binayaran nen Kristo Jesus” nen 33 C.E. iray “kasalanan ya agawa” antis na satan? (Roma 3:24, 25) [Ago. 5, w08 6/15 p. 29 par. 6]

8. Anton maaron probisyon so ginawa nen Jehova no nipapaarap tayod makapawetwet iran situasyon tan agtayo amta no antoy eksakton ipikasi tayo? (Roma 8:26, 27) [Ago. 12, w08 6/15 p. 30 par. 10]

9. Antoy labay ya ibaga na bilin ya “tumboken so panagparawes”? (Roma 12:13) [Ago. 19, w09 10/15 p. 5-6 par. 12-13]

10. Panon tayon ‘ikawes so Katawan tayo a Jesu-Kristo,’ a singa imbaga nen apostol Pablo? (Roma 13:14) [Ago. 26, w05 1/1 p. 11-12 par. 20-22]