Maabig Iran Report ed Serbisyo

Anggaman ed 7.2 magnitude ya yegyeg ed Bohol tan Cebu, tan maksil ya bagyo ed Central Visayas, makapaseseg ya naamtaan a tinmagey na 1% so bilang na manangipalapag legan na Oktubre. Dakel ed saray naapektoan et siansian akaatendi ed distriton kombension, tan walay abautismoan ya 899 ed satan a bulan. Talagan makapalikliket a nanengneng ya anggan wala ray kalamidad et siansian “manaaroan” so totoo nen Jehova.​—Juan 13:35.