Wala ra met so Missionary na Saray Tasi nen Jehova?

On, wala. Diad tua, amin ya Tasi nen Jehova et singa missionary ta lanang min itotongtong ed totoo so pananisia mi.​—Mateo 28:19, 20.

Tan wala met iray Tasi ya ombibisita odino onaalis ed arum ya lugar diad bansa ra ya ditan et dakel so agni akarengel ed maong a balita ya walad Biblia. Wala met iray Tasi ya oonlad arum a bansa pian mas dakel ni napulongan da. Maliket ira ta walay kontribusyon da ed pakakagawa na propesiya nen Jesus: “Mantasi kayo nipaakar ed siak . . . diad sankaarawian a pasen na dalin.”​—Gawa 1:8.

Nen 1943, angigapo kami na eskuelaan ya mangipasal ed saray missionary mi. Manlapu lad saman, masulok ya 8,000 a Tasi so nanaral ed sayan eskuelaan, ya say tawag et Watchtower Bible School of Gilead.