Kaaruman ya Tulong Parad Atateng

Singa naimanom la, saray bilin ed sayan magasin et base ed Biblia. Karga na satan iray sankaabigan ya bilin parad kada membro na pamilya pian magmaliw a maliket so bilay da. Saray prinsipyo ditan et makatulong pian napaaligwas na sakey so abilidad ton mannonot tan makapandesisyon na duga.​—Proverbio 1:1-4.

NABASA MET ED BIBLIA SO EBAT ED SARAY IMPORTANTIN TEPET YA SINGA SAY:

• Akin et manbibilay tayo diad dalin?

• Kasin say Dios so natetel ed paniirap tayo?

• Antoy nagawa no ompatey tayo?

Iimbitaan mi kan aralen mon mismo so Biblia pian naamtaan mo ray ebat ed saratan ya tepet tan arum ni. Bantayan so video ya Akin ya Aralen so Biblia? Onlad jw.org/pag.