‘Nakaukolan Tayo so Matuan Totoo’

MATALAG lay inkamatua ed mundo natan. Ingen, manunan kakaukolanen itan parad Kristianos. Oniay insulat nen Pablo: “Panpirawatan mi so manbilay a sigagalang [simamatua, NW] dia ed saray amin a bengatla.” (Hebreos 13:18) Ontan so kaliktan a gawaen nen Wilma, sakey ed saray Tastasi nen Jehova diad Faenza, Italya.

Isasalaysay na peryodikon Il Resto del Carlino a sanen sikatoy akaromog na pitakan napnoy kuarta ed paway na supermarket ed kawalaan ton syudad, “andi-abala” ton inter ed polisya pian nipawil ed akankayarian.

Sanen nadngelan itan na mayor, tamtampol ton pinawitay Wilma na antikey a sulat na pisasalamat. “Diad ngaran na Syudad,” insulat to, “impapuson pisalamatan ta ka ed maabig a kiwas mo. Say bantog a syudad tayon Faenza so nakaukolan toy maong tan matuan totoo.”

Balanglan nakabatan odino andi iray maong a kiwas, lawas tayon panbanikelay pagmaliw a matua. Singa isisimbawa na Masanton Kasulatan, “panggugunaetan mi panggawa na maptek aliwa labat ed imaton na Dios noagta ontan met ed imaton na totoo.”​—2 Corinto 8:21, The Jerusalem Bible.