Antoy Ibabaga na Biblia?
Kasin ginawa labat na too so relihyon?
WALA RAY MANISIA ya inimbento labat na too so relihyon; iisipen balet na arum ya uusaren na Dios so relihyon pian natulongan so totoo ya onapit ed sikato. Antoy papanisiaan mo ey?
NO ANTOY IBABAGA NA BIBLIA
Walay “relihyon a malinis tan aliwan marutak ed pakanengneng na Dios tan Ama tayo.” (Santiago 1:27, paimanod leksab) Say malinis odino tuan relihyon et nanlapud Dios.
ANTO NI NAARALAN TAYOD BIBLIA?
Pian napaliket tayoy Dios, kaukolan ya akabase ed katuaan na Biblia so sakey a relihyon.—Juan 4:23, 24.
Say relihyon ya imbase labat ed ideya na too et anggapoy kakanaan to.—Marcos 7:7, 8.
Kaukolan kasin mimembro kad sakey a relihyon?
ANTOY EBAT MO?
On
Andi
Depende
NO ANTOY IBABAGA NA BIBLIA
“Nonoten tayoy sakey tan sakey pian makapansasagyatan itayo a mangaro tan manggaway maabig iran kimey, ya agtayo papaulyanan so pantitipon tayo.” (Hebreo 10:24, 25) On, labay na Dios ya mauksoy a mantitipon bilang grupo iray mandadayew ed sikato.
ANTO NI NAARALAN TAYOD BIBLIA?
Saray mandadayew ed Dios et nepeg ya nankakasakey irad papanisiaan da.—1 Corinto 1:10, 11.
Saray membro na relihyon ya mandadayew ed tuan Dios et aaroen day agagi rad interon mundo.—1 Pedro 2:17.