No Anto so Ibaga Nipaakar ed Saray Magasin

Say Panag-Bantayan Ago. 15

“Maslak a totoo so mamapabli ed maabig a reputasyon. Arum ni ingen so manuumameng no panon iran nanodnonotan sano naandi la ra. Kasin naisip yo la itan? [Abuloyan ya onebat. Insan basaen so Eclesiastes 7:1.] Sisingbaten na Say Panag-Bantayan no panon tayon nawalaan na maabig a reputasyon ed imaton na totoo tan ed Dios.”

Awake! Ago. 22

“No asalim la odino say membro na pamilyam so minaltrato, antam no panon itan a makapagonigon. [Abuloyan ya onebat.] Sayan isyu na Awake! so mangitatarya na praktikal iran suhestion ed saray biktima na panagmaltrato. Saya so manisingbat met ed sipan na Dios ya onsabi panaon et sigpot lan naandi ed bilay so oniaran problema.” Basaen so Miqueas 4:4.

Say Panag-Bantayan Set. 1

“Ipapasen na dakel a totoo a say nanduruman relihyon na katooan et nanduruma labat a dalan balet saksakey met lanlamang so pugtaan da. Arum so manisian wala labat so sakey a tuan relihyon. Kasin inumameng mo la iya? [Abuloyan ya onebat.] Uusisaen na sayan magasin so sakey a parabolo nensaman a mangipapalinew ed sayan tepet.” Ipabitar so Mateo 13:24-30.

Awake! Set. 8

“Saray uson bengatla so mabiskeg a mangiimpluensya ed bilay na dakel a totoo natan. Naiimano na arum a masyadon pampapagaan na totoo no anto so isulong da tan no antoy itsura ra. Anto so nibagam? [Abuloyan ya onebat.] Ipaparungtal na sayan Awake! so balansin panmoria nipaakar ed piuuso.” Basaen so Colosas 3:12.