Kasin Uusaren Yo Iray Handbill?

Sakey agew, walay 11 años ya ugaw a laki ya akaromog na handbill a mangipapakabat na sakey a paliwawa parad publiko nipaakar ed impierno. “Naninteresan ko itan a maong,” so impaliwawa to ed saginonor, “lapud singa naynay lan aliway gagawaen ko, kanian napapagaan ak ompan onla ak ed manliob ya impierno sano ompatey ak.” Sikatoy inmatendi ed paliwawa, tan sakey taon ed saginonor, kayari na pigaran sesyon na panagaral na Biblia, sikatoy abautismoan. Ontan so inggapo na legay-bilay a karera nen Karl Klein bilang Kristiano, a diad saginonor et nanlingkor ed loob na dakel a taon bilang membro na Mananguley ya Ulop na saray Tasi nen Jehova. Say gapoan labat na satan ya amin et sakey a handbill.

Saray handbill so siansia nin sakey ya epektibon uusaren parad panagtasi natan. Nalmoan na dakel a manangipalapag a maabig a paraan so pangiter na handbill ed sakey a too pian ipakabat so inkasikara tan nigapo so tongtongan. Napibiang na saray ateng ed ministeryo so angkelag ya ananak da no pangiteren da ira na handbill ed unabung. Saray manangipalapag a mantatasi panamegley na sulat so makapangipaamta ed saray pantitipon diad pangilaktip day handbill. Tan, siempre, say pangusar ed saray handbill et main-inomay a paraan a pangimbita ed saray iyaaralan na Biblia tan ed arum ya interesado ya onatendi ed saray pantitipon tayo.

Kasin aanamoten yon usaren ed makagunggonan paraan iray handbill ed ministeryo yo?