No Anto so Ibaga Nipaakar ed Saray Magasin

The Watchtower Pebrero 1

“Diad padesir yo kasi, dedengelen na Dios so amin a pikakasi? [Abuloyan ya onebat.] Imano yo pa ‘yay inkuan nen Jesus. [Basaen so Mateo 6:7.] Nabasa yo ed sayan makapainteres ya artikulo no anto so ebat na Biblia ed apatiran kaslakan ya itetepet na totoo nipaakar ed pikakasi.” Ipanengneng so artikulo ya onggapo ed pahina 16.

Awake! Pebrero

“Dakel so manisia a balang sakey kuno et walay nigetar a kapalaran to. Antoy nikuan yo’d satan? [Abuloyan ya onebat.] Unong ed sayan bersikulo ed Biblia, sarag tayon pilien no antoy pansumpalan tayo. [Basaen so Deuteronomio 30:19.] Nabasa yo’d sayan artikulo no antoy ibabaga na Biblia nipaakar ed pananisian walay nigetar a kapalaran tayo.” Ipanengneng so artikulon onggapo ed pahina 12.

The Watchtower Marso 1

“Diad padesir yo, kada bengatlan nagagawa’d bilay tayo kasi et nigetar la manlapud gapo’y gapo? [Abuloyan ya onebat.] Imano yo pay ibabaga na Biblia nipaakar ed saya. [Basaen so Eclesiastes 9:11.] Ipapaliwawa na sayan magasin ya anggaman inggetar la na Dios so balibalin pansumpalan na mundo, aabuloyan toy balang sakey ed sikatayo a manpili no anto so labay tayon gawaen ed bilay tayo.”

Awake! Marso

“Miabobon kayo seguro no ibagak a dakel natan so manaaburido’d kuarta, lalo la ta mair-irap so bilay, awa? [Abuloyan ya onebat.] Imano yo pa iyan balansin simbawa na Biblia. [Basaen so 1 Timoteo 6:8, 10.] Ipapaliwawa na sayan magasin so pigaran prinsipyo ed Biblia ya ontulong ed sikatayon usaren so kuarta ed makabat a paraan, diad ontan et ondeen so nonot tayo.”