No Antoy Ibaga Nipaakar ed Saray Magasin

Say Panag-Bantayan Oktubre-Disyembre

“Andian lay pananisia ed Manamalsa so dakel natan. Diad padesir mo, anto kasi makasengeg? [Abuloyan ya onebat.] Nia so sakey a posiblin rason ya ibabaga na Biblia. [Basaen so Habacuc 1:2, 3.] Ebatan na sayan artikulo so pigara ed saray maslak a tepet na totoo a sengegay agda la panisia ed Dios.” Ipanengneng so artikulon onggapo ed pahina 11.

Awake! Oktubre

“Kasin onabobon kayo a dakel so probleman sasagmaken na saray pamilya natan? [Abuloyan ya onebat.] Ag-amta na karaklan a walaray praktikal a simbawa a naromog ed Biblia. Nia so sakey ya alimbawa.” [Basaen so tekston naromog ed magasin.] “Ipapanengneng na sayan espisyal ya isyu na Awake! no panon a makatulong iray prinsipyon naromog ed Biblia pian natalonaan na pamilya iray problema ra.”

The Watchtower Nobyembre 1

“Kasin iisipen mo ya amin ya ibabangat ed saray simbaan et manlalapud Biblia? [Abuloyan ya onebat.] Papasakbayan itayo na Biblia a manalwar pian agtayo napalikdo ed saray katilaan. [Basaen so Colosas 2:8.] Iwawalwal na sayan magasin so anemiran bangat a sumlang ed Salita na Dios.”

Awake! Nobyembre

“Nagmaliw lan kabiangan na bilay iray cell phone tan kompyuter. Diad padesir yo, kasin sarayan teknolohiya et makagimper odino mangala laingen na panaon? [Abuloyan ya onebat.] Onabobon so maslak ed sayan panamaseseg ya usaren a makabat so panaon. [Basaen so Efeso 5:15, 16.] Ipapaliwawa na sayan magasin no panon tayon usaren irayan teknolohiya ed balanse tan dugan paraan.”