No Antoy Ibaga Nipaakar ed Saray Magasin

Say Panag-Bantayan Hulyo-Setyembre

“Dakel ed sikatayo so agsegurado no antoy ibaga ed sakey a kaaron walaay grabe odino agla natambal a sakit. Antoy nibagam ed sayan simbawa? [Basaen so Santiago 1:19. Insan abuloyan ya onebat.] Sayan artikulo so mangiiter na pigaran praktikal a suhestion a nibase’d saray prinsipyo na Biblia.” Ipanengneng so artikulo ya onggapo ed pahina 10.

Awake! Hulyo

“Manepeg kasin magmaliw a ministro iray bibii? [Abuloyan ya onebat.] Onia so ibabaga na Biblia nipaakar ed sakey a bii. [Basaen so Roma 16:1.] Balet ibabaga na sananey a bersikulo a saray bibii et kaukolan ya agmansasalita diad kongregasyon. Anton talaga sirin so ibabaga na Biblia? Ipaliwawa itan na sayan artikulo.” Ipanengneng so artikulo ya onggapo ed pahina 28.

The Watchtower Agosto 1

“Natatakot so dakel a totoo ya ompan lapud nuklear a guerra odino lapud pananguman na klima et nakusbo odino naderal so mundo. Diad padesir mo, nagawa kasi itan? [Abuloyan ya onebat.] Imanom pay ibabaga na Biblia ed sayan bengatla. [Basaen so Uliran 11:18.] Eebatan na sayan magasin so apatira ed saray maslak a tepet nipaakar ed anggaan na mundo.”

Awake! Agosto

“Maseguro ak a wala lay Tasi nen Jehova ya akapitongtong ed sika. Naisip mo la kasi no akin ya oonla kami ed saray kaabungan, anggano ag-interesado iray maslak a totoo? [Abuloyan ya onebat. Insan basaen so Mateo 24:14.] Amta mi a lingo so panmoria na dakel a totoo ed sikami. Ipapaliwawa na sayan magasin no siopa iray Tasi nen Jehova.”