Tepet

◼ Kaukolan ni kasi manpikasi sano mangiyaral na Biblia diad puerta?

Dakel so bentaha no igapo tan sampotan ed pikakasi so panangiyaral na Biblia. Sano manpipikasi, kekerewen tayod si Jehova so masanton espiritu to ya ontulong ed panagaral tayo. (Luc. 11:13) Panamegley met na pikakasi, namoria na iyaaralan a seryoso so panagaral to na Biblia, tan sikatoy nibabangat a manpikasi. (Luc. 6:40) Kanian anggano aminpiga ti ni labat ya inyaralan, maabig no isuheri tayo lay pampikasi. Balet lapud nandurumay sirkumstansya, kaukolan ya tebeken na mangikokondukta no kasin matukoy so pampikasi sano mangiyaaral na Biblia diad puerta.

Say sakey ya importantin ikonsidera et say lugar na pangiyaaralan. No anggapo met so makadisturbo, nayari tayon gapoan tan sampotan so regular lan panangiyaral panamegley na makonsidera tan antikey a pikakasi. Balet no mangala itan na imano odino nababaingan so iyaaralan, mas maabig no manalagar tayo ni anggad makapanaral ti lad matukoy a pasen. Inerman so pangiyaaralan tayo, nepeg a tebeken tayo no kapigan igapo so pampikasi.​—Nengnengen so Abril 2005 a Ministeryo Tayo ed Panarian, pahina 8.