Duaran Sinsilyo ya Melag so Balor To

Sakey ya importantin paraan ya nasuportaan tayoy Panarian et diad pangiter na kontribusyon parad sankamundoan ya panagpulong a kimey. Balet, panon to no mairap tayo labat?

Aminsan, anengneng nen Jesus so pobrin balo a bii ya angipelag na duaran sinsilyo ya melag so balor to diad pananginan na donasyon. Say panangaro tod si Jehova so amakiwas ed sikato ya “anggaman mankakkaukolan et impelag toy amin a walad sikato, amin lan pambilay to.” (Mar. 12:41-44) Lapud inimano nen Jesus, ipapatnag na satan ya say donasyon to et mabmabli ed Dios. Mipadpara, agmomoriaen na saray inmunan-siglon Kristiano ya say pangiter na pinansyal ya suporta parad ministeryo et pribilehyo labat na saray mayaman ya Kristiano. Binitla nen Pablo so alimbawa na saray taga Macedonia ya anggaman “mair-irap so bilay da . . . aminpigapiga iran akikasi . . . pian nawalaan iray pribilehyon mangiter a mabunlok.”​—2 Cor. 8:1-4.

Kanian no say sarag tayo labat ya iter et “duaran sinsilyo” ya melag so balor to, nepeg tayon tandaan ya saray angkekelag ya kontribusyon, no panaaruman et ondakel lanlamang. Say pangiter ya manlapud puso et mamaliket ed mabunlok ya Ama tayo ed tawen, ta “aaroen na Dios so maliket a mangiiter.”​—2 Cor. 9:7.