Pangaligan Iran Presentasyon

Pangigapoy Panangiyaral na Biblia ed Unonan Sabado na Mayo

“Ombibisita kamin magano pian pantongtongan iyan makapainteres a tepet. [Ipanengneng so unonan tepet diad beneg na Mayo-Hunyo ya Panag-bantayan.] Antoy nibaga yo ey?” Abuloyan ya onebat. Pantongtongan so tepet tan anggan sakey ya teksto. Iyopresi iray magasin, tan iyuksoy ya pantongtongan so onsublay ya tepet.

Say Panag-bantayan Mayo-Hunyo

“Ombibisita kamin magano pian itongtong so nipaakar ed gagawaen na maslak a totoo. Amin lawari, antokaman so relihyon to et manpipikasi. Parad sikayo, kasin eebatan na Dios iray pikakasi, odino paraan labat iya pian nalemeway liknaan tayod saray problema? [Abuloyan ya onebat.] Imanoen tayo pay ibabaga na Biblia nipaakar ed pikakasi. [Basaen so 1 Juan 5:14.] Ipaliwawa na sayan magasin no panon itayon natulongan na pikakasi.”

Awake! Mayo

“Ombibisita kamin magano pian tulongan iray totoo ya nasarag so stress. Kasin naiimano yon mas nai-stress iray totoo natan nen say nensaman? [Abuloyan ya onebat.] Apaneknekan na dakel ya akatulong ed sikara so praktikal ya simbawa na Biblia pian nasarag so stress. Niay sakey ya alimbawa. [Basaen so Mateo 6:34.] Ipaliwawa na sayan magasin no panon itayon natulongan na saray prinsipyod Biblia pian nasarag iray apatiran maslak ya panlalapuan na stress.”

Paimano: Sayan isyu et nayarin mas makapainteres ed saray negosyante.