Pangipaliwawa ed Pananisia Tayo Nipaakar ed 1914

Papasesegen itayo na Biblia a magmaliw ya “akaparaan ya onebat” nipaakar ed saray papanisiaan tayo, tan ‘gawaen itan tekep na inkaulimek tan aralem a respeto.’ (1 Ped. 3:15) Balet diad tua, nayarin naiirapan tayon mangipaliwawa ed saray aralem a katuaan ed Biblia, singa say no panon tayon amta ya ginmapo lan manuuley so Panarian nen 1914. Pian natulongan itayo, imparaan so “Tongtongan Nipaakar ed Saray Topic Diad Biblia​—Kapigan Ginmapon Nan-uley so Panarian na Dios?” Nanengneng so Part 1 na sayan artikulo diad Nobyembre-Disyembre ya isyu na Say Panagbantayan tan say Part 2 diad Nobyembre ya isyu na The Watchtower. Legan yon aaralen irayan artikulo, imanoen iray ontumbok a tepet nipaakar ed ginawa nen Cameron, say manangipalapag ya walad eksena.

Panon ton . . .

• angiter na komendasyon pian makapangiletneg na topic ya pampaknaan da?​—Gawa 17:22.

• impatnag so inkamapaabeba sanen ipapaliwawa toy pananisia to?​—Gawa 14:15.

Akin et maabig ya . . .

• susumaryoen to so nantongtongan antis ya mangiyarum na punto?

• ontutundan sagpaminsan pian tepetan so householder no atalosan toy impaliwawa to?

• agto mangibabaga na dakdakel ya impormasyon diad sakey ya tongtongan?​—Juan 16:12.

Talagan misalsalamat itayod si Jehova, say Makapadinayew a Managbangat tayo, diad pangibabangat tod sikatayo no panon tayon ipaliwawa iray aralem a katuaan ed Biblia diad saray narasan ed satan!​—Isa. 30:20.