BILAY NA KRISTIANO
Pangasikaso ed Saray Pasen ya Pandadayewan Tayo
Saray Kingdom Hall et aliwa labat ya ordinaryon bilding; pasen iratan ya pandadayewan tayo ya indedika ed si Jehova. Panon ya makapitulongan so kada sakey ed pangasikasod Kingdom Hall? Pantongtongan irayan tepet kayarin bantayan so video ya Pangasikaso ed Saray Pasen ya Pandadayewan Tayo.
Antoy usar na saray Kingdom Hall?
Akin ya importantin pansiansiaen ya malinis tan asikasoen a maong so Kingdom Hall?
Siopa so manmimintina ed Kingdom Hall?
Akin et kaukolan tayon seguroen ya anggapoy narisgo legan ya mimintinaen so Kingdom Hall, tan anto ray anengneng yod video ya gawaen pian anggapoy narisgo?
Panon tayon napagalangan si Jehova no mandonasyon tayo?