Manmatoor ed si Jehova Legan a Manasingger so Anggaan

NO AKIN YA IMPORTANTE: Asingsingger ti lan nanengneng iray makapataktakot ya nagawa ya pakasubokan na pakpel, tan panagmatalek tayo ed si Jehova. Onggapo so baleg a kairapan diad kaderal na palson relihyon. (Mat 24:21; Apo 17:16, 17) Diad satan ya makapagonigon a panaon, nayarin ipasabi tayo so ambelat a mensahe na panangukom. (Apo 16:21) Lusoben itayo na Gog na Magog. (Eze 38:10-12, 14-16) Kanian idepensa itayo nen Jehova, tan diad satan et onggapo so “baleg ya agew na Dios a Makapanyarin-amin.” (Apo 16:14, 16) Pian mas makapanpakpel tayo ed sarayan nagawa ed arapen, kaukolan ya mansiansia itayon matoor anggano nasusubok itayo natan.

NO ANTOY GAWAEN:

• Makpel ya idepensa tan iyaplika iray atagey ya estandarte nen Jehova ed moral.​—Isa 5:20

• Itultuloy so mandayew kaiba iray agagi.​—Heb 10:24, 25

• Unoren ya tampol iray instruksion na organisasyon nen Jehova.​—Heb 13:17

• Dalepdepen so impangiliktar nen Jehova ed saray totoo to nensaman.​—2Pe 2:9

• Manpikasi tan manmatalek ed si Jehova.​—Sal 112:7, 8

BANTAYAN SO SARAY NAGAWAD ARAPEN YA KAUKOLAN TAYOY MANPAKPEL​—VIDEO CLIP, INSAN EBATAN IRAYA:

• 

  Panon ya asubok so katutulok na saray agagi nen inapag so kongregasyon da tan inlaok irad arum ni ran kongregasyon?

• 

  Panon ya mankonektaan so pakpel tan katutulok?

• 

  Akin a kaukolan so pakpel no onsabi lay Armagedon?

• 

  Anton salaysay ed Biblia so makatulong ed sikatayo pian makapanmatalek tayo ed pakayari nen Jehova ya mangiliktar?​—2Aw 20:1-24