Mansiansian Akaparaan Legan na Kaunoran a Parte na “Kaunoran Iran Agew”

Legan tayon mansusungdo diad kaunoran a parte na “kaunoran iran agew,” ilaloan tayon mas ongrabe iray problema ya arapen tayo. (2Ti 3:1; “pangs of distress” study note na Mat 24:8, nwtsty) No wala ray kalamidad, naynay ya makakaawat iray lingkor nen Jehova na nipanpanaon tan makapangiliktar na bilay iran bilin. Kanian say kiliktar tayo et nayarin mandepende ed iyunor tan pamprepara tayo la natan ni labat, balanglan diad espiritual tan diad materyal.—Luc 16:10.

• Manparaan ed espiritual: Ipasal so maabig ya rotina. Aralen iray nanduruman klase na ministeryo. Agka manpa-panic no bilang ta niyarawi kan magano ed saray kakongregasyon mo. (Isa 30:15) Tandaan, agkan balot niyarawi ed si Jehova tan si Jesus.—od 176 ¶15-17

• Manparaan ed materyal: Likud ed saray emergency bag, nepeg ya balang pamilya et walay reserba dan magenap ya naakan, danum, tambal, tan arum ni ran manunan kaukolan no bilang ta kaukolan so mansiansia ed sakey a pasen ed medyo andukey a panaon.—Pro 22:3; g17.5 4, 6

BANTAYAN SO VIDEO YA KASIN AKAPARAAN KA NO WALAY ONSABIN KALAMIDAD? INSAN EBATAN IRAYAN TEPET:

• 

  Anto ray gawaen tayo pian akaparaan tayod espiritual no bilang ta walay onsabin kalamidad?

• 

  Akin et importante ya . . .

  • pansiansiaen tayoy komunikasyon ed saray elder?

  • manparaan tayoy emergency bag?

  • pantongtongan iray kalamidad ya posiblin onsabi tan no anto ray kaukolan ya gawaen?

• 

  Antoy taloran paraan ya natulongan tayo iramay apektado na kalamidad?

TEPETAY SARILIM, ‘Anto ray naaralan ko nipaakar ed pagmaliw ya akaparaan legan na COVID-19 pandemic?’