Awaten so Tulong nen Jehova Diad Pampikasim

Si Jehova so mamapatubo tan mamapabaleg ed bukel na katuaan diad puso na sakey ya too. (1Co 3:6-9) Kanian pian maliket so ministeryo tayo, kaukolan tayoy manmatalek ed si Jehova ya tulongan to tayo tan saray iyaaralan tayo na Biblia.

Ipikasim ed si Jehova ya tulongan to ray iyaaralan mo ya nasarag da ray pananesdes tan subok. (Fil 1:9, 10) Espisipikon bitlaen iray kerew mo. Ipikasim ya igiya komon na masanton espiritu so panagnonot tan kakikiwas mo. (Luc 11:13) Ibangat mo ray iyaaralan mo no panon so pampikasi tan paseseg mo ran manpikasi. Manpikasi ya kaiba ira tan ipikasim ira, tan bitlam so mismon ngaran da.

BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—AWATEN SO TULONG NEN JEHOVA—PIKAKASI, INSAN EBATAN IRAYAN TEPET:

• Akin et medyo nadidismaya lay Neeta ed panaaral da nen Jade?

• Panon ya akatulong so 1 Corinto 3:6 ed si Neeta?

• Panon ya aresolbe so pakakadismaya nen Neeta?