Panon Nin Napalaknab na Saray Sister so Panaglingkor Da?

Baleg so nagagawaan na saray sister ed kimey na Panarian. (Sal 68:11) Dakel so ikokondukta dan panangiyaral na Biblia tan dakel ed saray regular payunir et sister. Nilibon makukulin sister so manlilingkor bilang Bethelite, misionero, construction volunteer odino servant, tan translator. Papabiskegen na saray maespiritual ya sister so pamilya tan kongregasyon da. (Pro 14:1) Anggano agmakapanlingkor bilang elder odino ministeryal ya lingkor iray sister, sarag da nin siansia ya palaknaben so panaglingkor da ed kongregasyon. No sakey kan sister, anto ray nayarin gawaen mo?

• Pankimeyan mo ray Kristianon kualidad.—1Ti 3:11; 1Pe 3:3-6

• Tulongan iray sister ed kongregasyon ya aliwan nin eksperiensyado.—Tit 2:3-5

• Aruman so panaon mo ed ministeryo tan paaligwasen so dunong mo

• Manaral na sananey ya lenguahe

• Manboluntaryo ed lugar ya mas baleg so pankaukolan

• Man-aplay ed Bethel odino manboluntaryo ed panagpaalagey na saray teokratikon pasilidad

• Man-aplay ed School for Kingdom Evangelizers

BANTAYAN SO VIDEO YA “SARAY BIBIIN MANSASAGPOT PARAD KATAWAN” INSAN EBATAN IYAN TEPET:

• Panon kan apaseseg ed imbaga na kada sakey ed sarayan sister?