Agawaan so Mair-irap ya Asainmin Diad Tulong na Masanton Espiritu

Manlapu la nensaman, dakel lay makapakelaw ya agawaan na saray lingkor na Dios, aliwan diad sarilin dunong da noagta diad tulong nen Jehova. Nen 1954, in-release na organisasyon nen Jehova so sakey ya pelikula ya say title to et The New World Society in Action. Ginawa itan na saray agagi ya maslak ed sikara et Bethelite ya anggapoy eksperiensya ed panaggaway pelikula. Agawaan labat iman ya mair-irap ya proyekto lapud tulong na masanton espiritu nen Jehova. Makaseguro tayo sirin ya no manmatalek tayo ed si Jehova, nagawaan tayo so antokaman ya asainmin ya naawat tayo.—Zac 4:6.

BANTAYAN SO VIDEO YA SAY IMPANGGAWA ED “THE NEW WORLD SOCIETY IN ACTION” INSAN EBATAN IRAYAN TEPET:

• Akin et apandesisyonan so panggawa na pelikula nipaakar ed world headquarters?

• Panon ya impanengneng na pelikula ya say Bethel et singa laman na too?—1Co 12:14-20

• Anto ran problema so inarap na saray agagi legan dan gagawaen so pelikula, tan panon dan aresolbe iratan?

• Antoy naaralan tayo ed saya nipaakar ed masanton espiritu nen Jehova?