Pabiskegen na Saray Palsa so Talek Tayod Karunongan nen Jehova

Lanang kasin amta nen Jehova no antoy sankaabigan parad sikatayo? Ay on! No manisia tayod satan, marunong itayo no unoren tayo iray ganggan to. (Pro 16:3, 9) Balet, nasubok so talek tayod panangigiya to no midumaan itan ed sarili tayon kanonotan. Napabiskeg tayoy talek tayod karunongan nen Jehova no dalepdepen tayo iray pinalsa to.—Pro 30:24, 25; Rom 1:20.

BANTAYAN SO VIDEO YA WALA KASI NANDESINYO? AKIN ET AGNATATRAPIK IRAY GILATA? INSAN EBATAN IRAYAN TEPET:

• Antoy inagew-agew ya gagawaen na maslak ya gilata?

• Akin ya naiiwasan na saray gilata so natrapik?

• Antoy nayarin aligen na totoo ed paraan na saray gilata pian naiwasan so trapik?

BANTAYAN SO VIDEO YA WALA KASI NANDESINYO? SAY MAKAPABILIB YA ITITIKYAB NA BUMBLEBEE, INSAN EBATAN IRAYAN TEPET:

• Antoy irap no melag labat so eroplano?

• Panon ya makakatikyab so bumblebee anggano makmaksil so dagem?

• Panon ya nagunggonaan iray totoo no naalig day nisipor ya karunongan na bumblebee?

Antoy naobserbaan mon pakapatnagan na karunongan nen Jehova ed saray palsa diad lugar yo?