Walay Anggaan na Amin ya Subok

Mainomay tayoy nadismaya no wala ray subok, lalo la no abaybayag la iratan. Amta nen David ya mangangga lanlamang so aarapen ton subok nipaakar ed si Arin Saul, tan sikatoy magmaliw ya ari ya singa impromisa nen Jehova. (1Sa 16:13) Tinmulong so pananisia nen David pian makapan-anos tan manalagar ed si Jehova.

Sano nasusubok tayo, sarag tayon usaren so pakatebek, kakabatan, odino abilidad tayon mannonot pian nauman so situasyon tayo. (1Sa 21:12-14; Pro 1:4) Balet, wala ray subok ya tuloytuloy ni anggano ginawa tayo lay amin ya nagawaan tayo base ed saray prinsipyo na Biblia. No ontan so situasyon tayo, kaukolan tayoy mananos tan manalagar ed si Jehova. Asingsingger to lan panampoten so amin ya paniirap tayo tan “punasen to so amin a lua ed kamataan” tayo. (Apo 21:4) Balanglan nainawaan tayo lapud gawaen nen Jehova odino lapud arum nin rason, sakey labat so segurado: Walay anggaan na amin ya subok. Talagan makaligliwa itan ed sikatayo.

BANTAYAN SO VIDEO YA NANKAKASAKEY A TOTOO ED NAAPAG A MUNDO, INSAN EBATAN IRAYAN TEPET:

• Anto ran subok so naeksperiensya na arum ya Kristiano diad southern United States?

• Panon dan impanengneng so anos tan panangaro?

• Panon iran tuloytuloy ya nampokus ed saray “mas importantin bengatla”?—Fil 1:10