Kasin Basta-basta Ka Labat ya Onkikiwas?

Makatunongan so kekerewen nen David, balet ininsulto nen Nabal (1Sa 25:7-11; ia 78 ¶10-12)

Basta-basta labat ya labay nen David ya pateyen so amin ya lalaki ed sankaabungan nen Nabal (1Sa 25:13, 21, 22)

Tinulongan nen Abigail si David ya napaliisan so pankasalanan ed dala (1Sa 25:25, 26, 32, 33; ia 80 ¶18)

TEPETAY SARILIM: ‘Kasin basta-basta ak labat ya onkikiwas no manpapasnok ak, no mansasaliw ak, odino no nadidismaya ak? Odino nononoten ko ni ray nayarin resulta antis ak ya onkiwas?’—Pro 15:28; 22:3.