Sarag Tayon Taloen so Panagbusol!

No andi ni, seguro naobserbaan mo la itan ed arum. Dakel so nababalitaan tayo ya kabkabusol da ray totoon dumay lahi, bansa, odino relihyon. Lapud satan, angipasa na batas so dakel ya gobierno pian nadusa so siopaman ya atakien to ray kabkabusol to.

Saray totoon bubusolen et kabkabusol da met la iramay mamubusol ed sikara. Kanian ombabawi ra, tan ditan la onggapo so agmanundan pambubusolan.

Ompan asalim lay hinusgaan, binalaw, ininsulto, tan binantaan. Pero no maminsan, aliwan ontan labat so panagbusol. Kaibad satan so inkaruksa, singa say pam-bully, bandalismo, pangataki, rape, pamatey, odino pangupot ni ingen ed lahi.

Diad sayan magasin et naebatan irayan tepet tan naamtaan tayo no panon ya natalo so panagbusol:

• Akin et grabe so pambubusolan?

• Panon ya napatunda so pambubusolan?

• Nasabi ni kasi panaon ya permanente lan naekal so panagbusol?