Tips ed Pam-personal Study

Kasin nai-enjoy mon basaen iray istoryay bilay na saray agagi tayo?

Oniay imbaga na sanasawan kinabuasan ya manbabasa na sakey ya istorya: “Naliliketan tan napapaseseg kami ed sarayan istorya. Nari-realize mi ya sarag mi met so manmatoor anggan antoy situasyon.” Onia met so imbaga na sakey nin sister: “No babasaen koy istoryay bilay na saray agagi, ombibiskeg so liknaan ko tan nata-touch ak. Talagan sulit so bilay da ta nampausar irad si Jehova. Lapud alimbawa ra, sinmeseg ak ed ministeryo tan apakiwas ak ya tulongan iray ananak kon onloob ed full-time ya panaglingkor.”

On, no manbasa kay istoryay bilay na saray agagi, makapan-isip ka na saray goal mod espiritual, ombiskeg so determinasyon mon labanan iray kakapuyan mo, tan napaseseg kan manmatoor tan maliket ya manlingkor anggano wala ray subok. Iner nabasa irayan istorya?

• I-browse so serye na artikulo ya “Istoryay Bilay na Saray Tasi nen Jehova” ed jw.org o JW Library®.

• I-search so “Life Stories of Jehovahʼs Witnesses” ed Watchtower ONLINE LIBRARY^™ o Watchtower Library.