Tips ed Pam-personal Study

Antoy Unaen Mo?

Limitado so panaon tayo parad pam-personal study. Antoy makatulong pian nasulit mo itan? Maabig no agka manaapura. Anggano daiset labat so aralen mo no inaral mon maong, mas nagunggonaan ka, nen say dakel ya tua so binasam pero inapuram.

Insan dapat walay priority’m. (Efe. 5:15, 16) Nia so pigaran suggestion:

• Basam ya inagew-agew so Biblia. (Sal. 1:2) Marakep no nabasam iray kapitulo na Biblia ya pantongtongan ed midweek ya aral.

• Iparaan moy artikulo ed Panag-bantayan tan say aralen ed midweek. Man-ready ka na saray ikomentom.—Sal. 22:22.

• Anggad posible, aral mo met so arum nin espiritual ya naakan, singa saray pampublikon magasin tayo, tan saray artikulo tan video ed jw.org.

• Maabig met no walay study project mo. Man-research ka no walay problema ya aarapen mo, no walay tepet mo, o walay topic ed Biblia ya labay mon mas natalosan. Pian makala kay ideya, nengnengen so seksion ed jw.org ya “Activity Parad Panagaral na Biblia.”