Usar Mo Iray Marginal Reference

No imanoen mo iray marginal reference ed Balon Mundo a Patalos na Masanton Kasulatan, ditan mo nanengneng ya mankokonektaan so karga na Biblia. Walad marginal reference so listaan na saray teksto ya pakabasaan na kaaruman ya detalye nipaakar ed sakey ya bersikulo. Pian nanengneng mo iray marginal reference, anap mo ni imay melag ya letra ya walad abay na salita. Insan, no inimprintan Biblia so uusaren mo, anap moy kapetekan to ’tan ya letra diad column ya walad pegley pian nanengneng mo iramay mikonektaan ya teksto. Diad jw.org o diad JW Library^® app, pindot mo labat imay letra tan nanengneng mo la iramay mikonektaan ya teksto.

Anto ran impormasyon so nabasa ed saray teksto ya walad marginal reference? Nia ray pigara:

Miparan salaysay: Nanengneng ed marginal reference no dinan nin libro ed Biblia so pakabasaan na samay salaysay ya babasaen mo. Singa bilang, nengnengen so 2 Samuel 24:1 tan 1 Awaran 21:1.

No iner inala so sakey ya balikas: Wala ray balikas o ekspresyon ed Biblia ya nanlapu manaya ed arum ya teksto. Singa bilang, nengnengen so Mateo 4:4 tan Deuteronomio 8:3.

No panon ya asumpal so sakey ya propesiya: No say babasaen mo et propesiya, nanengneng ed marginal reference so teksto ya pakabasaan no panon itan ya asumpal. Singa bilang, nengnengen so Mateo 21:5 tan Zacarias 9:9.