Irap na Bilay​—No Antoy Gawaen na Panarian na Dios

Diad interon mundo, sankaanap-sankaluto so panagbilay na dakel ya totoo.

• Base ed sakey ya report,a “ngalngali anggapo lay nasaliw na binulan ya sueldo.” Impaimano met na report ya no onia lan onia so nagawa, “ombaleg so agwat ed panagbilay na saray mairap tan mayaman, tan dakel ya pamilya so lalon manirap.”

Sarag kasi na saray gobierno ya solusyonan so problema ed ekonomiya, odino anggan na-improve labat itan?

Ibabaga na Biblia ya walay sakey ya gobierno ya sarasarag tan labalabay ton solusyonan so problema ed ekonomiya pian oninawa lay bilay na amin. Nabasa ditan ya “say Dios na tawen et mangiletneg na panarian.” (Daniel 2:44) Atan ya gobierno so manayos ed amin ya aliwliwan nagagawa diad dalin. Diad uley na gobierno na Dios, anggapoy anggan sakey ya nalingwanan tan napaulyanan. (Salmo 9:18) Seguradoen na Panarian na Dios ya niiter so amin ya pankaukolan na saray sakop to pian maliket so bilay da. Tan seguradon panliketan da iray bendisyon lapud pankikimey da.​—Isaias 65:21, 22.