Paimano ed leksab

b Oniay impaliwawa na pamphlet ya To Whom the Work Is Entrusted: “Say kampanya ed The Golden Age diad kaabungan et nipaakar ed mensahe na panarian. . . . Likud nid satan ya kampanya, iikdan na kopyay The Golden Age so kada akan-abung, balanglan man-subscribe ira o andi.” Kayari pigaran taon, pinaseseg iray agagi ya mangiyopresi na subscription na The Golden Age tan The Watch Tower. Manlapu lad Pebrero 1, 1940, pinaseseg iray totoo nen Jehova ya mangibunog na kopya na magasin tan ireport iray nipalima da.