Paimano ed leksab

a Isusuheri na arum a patalos a samay manidiwit ed totoo na Dios et say didiwiten to et aliwan say mata na Dios, noagta say mata na Israel odino anggan say mismon mata to. Sayan lingo so nanlapud pigaran eskribas ed kapegleyan a panaon a, diad lingon sagpot dan korehien iray tekston momoriaen dan agmapagalang, so analat ed sayan bersikulo. Diad ontan et kinilot da so kabelat na personal a piaambegya nen Jehova.