Paimano ed leksab

b Ontan met a panggula so nalikna nen Jehova. Alimbawa, dedeskribien na Efeso 4:29 na New World Translation so mabanday a panagsalita bilang “abulok a panagsalita.” Say Griegon salita ya inusar parad “abulok” so literal a manutukoy ed nabubulok a prutas, sira, odino karne. Satan a termino so malinew a mangililitrato ed pandimla a nepeg tayon nalikna nipaakar ed maabuso odino mabanday a panagsalita. Ontan met, saray talintao so mabetbet a nadeskribe ed Kasulatan bilang “karimdimla.” (Deuteronomio 29:17; Ezequiel 6:9) Say sipor a pandimla tayo ed dutak na ayep odino too, so ontulong ed sikatayon makatalos ed panggula na Dios ed antokaman a nengneng na panagtalintao.