Paimano ed leksab

a Say salitan “inkiletneg na mundo” et manutukoy ed pangipelag na bini, a nayarin say labay ton ibaga et pamparakel. Kanian nayarin manutukoy iyad sankaunaan ya anak na totoo. Balet akin a say tinukoy nen Jesus et si Abel nen imbaga toy nipaakar ed “inkiletneg na mundo,” aliwan say panguloan a si Cain? Napatnagan ed saray desisyon tan ginawa nen Cain ya sikatoy nanrebelde ed si Jehova a Dios. Singa ed saray atateng to, si Cain et aliwan makanepegan ya manbilay lamet tan naperdona ed kasalanan.