Paimano ed leksab

a Wala met iray pankanawnawa ya angibaki si Jehova na arum ya anghel pian ipasabi so mensahe to ed saray totoo. Atan so rason no akin ya wala ray nabasa tayon salaysay ed Biblia ya singa si Jehova ya mismo so mitotongtong ed sakey ya too, pero diad tua et sikatoy isasalitaan na anghel. (Gen. 18:​1-33) Ontan met, anggano ibabaga na Biblia ya si Jehova ya mismo so angiter na samay Ganggan ed si Moises, nabasa balet ed arum ya teksto ya angusar si Jehova na saray anghel pian ipasabi itan ya Ganggan ed si Moises.—Lev. 27:34; Gawa 7:​38, 53; Gal. 3:19; Heb. 2:​2-4.