Numeros

7 Diad samay agew ya asumpal nen Moises ya impaalagey so tabernakulo,+ nilanaan+ tan pinasanto to itan, pati say amin a kagawaan ditan, say altar, tan amin a kagawaan na satan.+ Sanen nilanaan tan pinasanto to irayan bengatla,+ 2 angitarya na apay iray papangulo na Israel,+ saray ulo na saray pamilya na kaamaan da. Sarayan papangulo na saray tribu ya angasikaso ed panagparehistro 3 et angiyakar ira ed arapan nen Jehova na apay ya anemiran atarongan a kariton tan 12 baka, sakey a kariton ed kada duaran pangulo tan sakey a kalakian a baka ed kada sakey; tan inyapay da iratan ed arap na tabernakulo. 4 Oniay inkuan nen Jehova ed si Moises: 5 “Awat mo iratan ed sikara, ta usaren ed panlingkor diad tolda a pantitiponan, tan iter mo iratan ed saray Levita, ed kada sakey unong ed kakaukolanen ed kimey to.”

6 Kanian inawat nen Moises iray kariton tan saray baka tan inter to iratan ed saray Levita. 7 Inter tod saray ananak nen Gerson so duaran kariton tan apatiran baka, unong ed kakaukolanen ed kimey da;+ 8 tan inter tod saray ananak nen Merari so apatiran kariton tan waloran baka, unong ed kakaukolanen ed kimey da, diad panangiwanwan nen Itamar ya anak nen Aaron a saserdote.+ 9 Balet anggapoy inter tod saray ananak nen Kohat, ta say kimey da et nipaakar ed panaglingkor ed masanton pasen,+ tan sasakbaten da iray masanton bengatla.+

10 Natan et inyapay na saray papangulo so apay da diad inagurasyon*+ na altar ed samay agew a nilanaan itan. Sanen inyapay na saray papangulo iray apay da ed arap na altar, 11 oniay inkuan nen Jehova ed si Moises: “Diad mantutumbokan ya agew et sakey a pangulo ed kada agew so mangiyapay ed apay to parad inagurasyon na altar.”

12 Say angiter na apay to ed unonan agew et si Naason+ ya anak nen Aminadab ed tribu nen Juda. 13 Say apay to et sakey a pilak a plato a manbelat na 130 siklo* tan sakey a pilak a yaong a manbelat na 70 siklo unong ed siklo na masanton pasen,*+ a napno iratan na pinon arina a nilaokay larak bilang apay a kakanen;+ 14 sakey a balitok a kopa* a manbelat na 10 siklo, a napnoy insenso; 15 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 16 sakey a kilaw a kanding ya apay parad kasalanan;+ 17 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Naason ya anak nen Aminadab.+

18 Say angiyapay ed komaduan agew et si Netanel+ ya anak nen Zuar, say pangulo ed tribu nen Isacar. 19 Sikatoy angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 20 sakey a balitok a kopa a manbelat na 10 siklo, a napnoy insenso; 21 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 22 sakey a kilaw a kanding ya apay parad kasalanan;+ 23 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Netanel ya anak nen Zuar.

24 Diad komatlon agew et si Eliab+ ya anak nen Helon, say pangulo na saray ananak nen Zebulon, 25 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 26 sakey a balitok a kopa a manbelat na 10 siklo, a napnoy insenso, 27 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 28 sakey a kilaw a kanding ya apay parad kasalanan;+ 29 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Sayay apay nen Eliab+ ya anak nen Helon.

30 Diad komapat ya agew et si Elizur+ ya anak nen Sedeur, say pangulo na saray ananak nen Ruben, 31 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 32 sakey a balitok a kopa a manbelat na 10 siklo, a napnoy insenso; 33 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 34 sakey a kilaw a kanding ya apay parad kasalanan;+ 35 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Elizur+ ya anak nen Sedeur.

36 Diad komaliman agew et si Selumiel+ ya anak nen Surisadai, say pangulo na saray ananak nen Simeon, 37 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 38 sakey a balitok a kopa a manbelat na 10 siklo, a napnoy insenso; 39 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 40 sakey a kilaw a kanding ya apay parad kasalanan;+ 41 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Selumiel+ ya anak nen Surisadai.

42 Diad komanem ya agew et si Eliasaf+ ya anak nen Deuel, say pangulo na saray ananak nen Gad, 43 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 44 sakey a balitok a kopa a manbelat na 10 siklo, a napnoy insenso; 45 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 46 sakey a kilaw a kanding ya apay parad kasalanan;+ 47 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Eliasaf+ ya anak nen Deuel.

48 Diad komapiton agew et si Elisama+ ya anak nen Amihud, say pangulo na saray ananak nen Efraim, 49 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 50 sakey a balitok a kopa a manbelat na 10 siklo, a napnoy insenso; 51 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 52 sakey a kilaw a kanding ya apay parad kasalanan;+ 53 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Elisama+ ya anak nen Amihud.

54 Diad komawalon agew et si Gamaliel+ ya anak nen Pedazur, say pangulo na saray ananak nen Manases, 55 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 56 sakey a balitok a kopa a manbelat na 10 siklo, a napnoy insenso; 57 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 58 sakey a kilaw a kanding ya apay parad kasalanan;+ 59 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Gamaliel+ ya anak nen Pedazur.

60 Diad komasiam ya agew et si Abidan+ ya anak nen Gideoni, say pangulo+ na saray ananak nen Benjamin, 61 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 62 sakey a balitok a kopa a manbelat na 10 siklo, a napnoy insenso; 63 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 64 sakey a kilaw a kanding ya apay parad kasalanan;+ 65 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Abidan+ ya anak nen Gideoni.

66 Diad komasamplon agew et si Ahiezer+ ya anak nen Amisadai, say pangulo na saray ananak nen Dan, 67 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 68 sakey a balitok a kopa a manbelat na 10 siklo, a napnoy insenso; 69 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 70 sakey a kilaw a kanding ya apay parad kasalanan;+ 71 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Ahiezer+ ya anak nen Amisadai.

72 Diad koma-11 ya agew et si Pagiel+ ya anak nen Ocran, say pangulo na saray ananak nen Aser, 73 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 74 sakey a balitok a kopa a manbelat na 10 siklo, a napnoy insenso, 75 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 76 sakey a kilaw a kanding ya apay parad kasalanan;+ 77 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Pagiel+ ya anak nen Ocran.

78 Diad koma-12 agew et si Ahira+ ya anak nen Enan, say pangulo na saray ananak nen Neftali, 79 so angiyapay na sakey a pilak a plato a manbelat na 130 siklo tan sakey a pilak a yaong a manbelat na 70 siklo unong ed siklo na masanton pasen,+ a napno iratan na pinon arina a nilaokay larak bilang apay a kakanen;+ 80 sakey a balitok a kopa a manbelat na 10 siklo, a napnoy insenso; 81 sakey a kilaw a kalakian a baka, sakey a kalakian a karnero, tan sakey a kalakian a kordero a mantaon na sakey, parad apay a popoolan;+ 82 sakey a kilaw a kanding ya apay parad kasalanan;+ 83 tan parad bagat a pandurungoan+ et duaran baka, limaran kalakian a karnero, limaran kalakian a kanding, tan limaran kalakian a kordero a mantaon na sakey. Saya so apay nen Ahira+ ya anak nen Enan.

84 Saya so apay parad inagurasyon+ na altar a nanlapud saray papangulo na Israel sanen nilanaan itan: 12 pilak a plato, 12 pilak a yaong, 12 balitok a kopa;+ 85 kada pilak a plato et manbelat na 130 siklo, tan kada yaong et manbelat na 70 siklo, ami-amin a pilak a pananginan et manbelat na 2,400 siklo unong ed siklo na masanton pasen;+ 86 kada sakey ed saramay 12 balitok a kopa a napnoy insenso et manbelat na 10 siklo unong ed siklo na masanton pasen, ami-amin a balitok ya inusar ed saray kopa et manbelat na 120 siklo. 87 Ami-amin ya ayayep a parad apay a popoolan et 12 kalakian a baka, 12 kalakian a karnero, 12 kalakian a kordero a mantaon na sakey tan saray apay a kakanen a kaiba na saratan, tan 12 kilaw a kanding ya apay parad kasalanan; 88 tan ami-amin ya ayayep a parad bagat a pandurungoan et 24 a kalakian a baka, 60 kalakian a karnero, 60 kalakian a kanding, tan 60 kalakian a kordero a mantaon na sakey. Saya so apay parad inagurasyon+ na altar kayarin nilanaan itan.+

89 Kapagno onloob si Moises diad tolda a pantitiponan pian mitongtong ed Dios,*+ narengel to so boses a mitotongtong ed sikato a manlalapud tagey na sakob+ na kaban na Testimonya, diad nanleetan na duaran kerubin;+ tan mansalita so Dios ed sikato.