Unonan Samuel

9 Amin ya Israelita et walad listaan na kapolian, tan akasulat ira ed Libro na Saray Arari na Israel. Say Juda et nibantak ed Babilonia lapud ag-nanmatoor.+ 2 Say sankaunaan a pinmawil ed saray kayarian da diad saray syudad da et saray arum ya Israelita, saray saserdote, saray Levita, tan saray lingkor ed templo.*+ 3 Tan nanayam ed Jerusalem so arum ed saray kailalakan nen Juda,+ Benjamin,+ Efraim, tan Manases: 4 si Utai ya anak nen Amihud ya anak nen Omri ya anak nen Imri ya anak nen Bani, a nanlapud kailalakan nen Perez+ ya anak nen Juda. 5 Tan diad saray Silonita* et si Asaias a panguloan tan saray anak ton lalaki. 6 Tan diad saray anak a lalaki nen Zera+ et si Jeuel tan say 690 ed saray agagi ra.

7 Tan diad saray kailalakan nen Benjamin et si Sallu ya anak nen Mesulam ya anak nen Hodavias ya anak nen Hasenua, 8 si Ibneas ya anak nen Jeroham, si Elah ya anak nen Uzi ya anak nen Micri, tan si Mesulam ya anak nen Sefatias ya anak nen Reuel ya anak nen Ibnias. 9 Tan saray agagi ra unong ed linya na kapolian da et 956. Sarayan amin a lalaki et lider na saray pamilya na kaamaan da.*

10 Tan diad saray saserdote et si Jedaias, Jehoiarib, Jakin,+ 11 si Azarias ya anak nen Hilkias ya anak nen Mesulam ya anak nen Zadok ya anak nen Meraiot ya anak nen Ahitub, a manangidaulo ed abung* na tuan Dios, 12 si Adaias ya anak nen Jeroham ya anak nen Pasur ya anak nen Malkias, si Maasai ya anak nen Adiel ya anak nen Jazera ya anak nen Mesulam ya anak nen Mesilemit ya anak nen Imer, 13 tan saray agagi ra, saray lider na saray pamilya na kaamaan, 1,760 mabibiskeg tan makayarin lalaki ya akaparaan a manlingkor ed abung na tuan Dios.

14 Tan diad saray Levita et si Semaias+ ya anak nen Hasub ya anak nen Azrikam ya anak nen Hasabias a nanlapud saray kailalakan nen Merari; 15 tan si Bakbakar, Heres, Galal, si Matanias ya anak nen Mica ya anak nen Zicri ya anak nen Asaf, 16 si Obadias ya anak nen Semaias ya anak nen Galal ya anak nen Jedutun, tan si Berekias ya anak nen Asa ya anak nen Elkana, a manaayam ed baryo na saray Netofatita.+

17 Saray bantay na puerta+ et si Salum, Akub, Talmon, tan Ahiman, a say pangulo et si Salum ya agi ra, 18 tan anggad saman et sikatoy walad puerta na ari diad bukig.+ Saraya so bantay na puerta diad saray kampo na Levita. 19 Tan si Salum ya anak nen Kore ya anak nen Ebiasaf ya anak nen Kora, tan saray Korahita ya agagi to ed pamilya na ama to, so mangaasikaso ed saray kimey a panaglingkor, a sikaray bantay na puerta na tolda, tan saray kaamaan da so mangaasikaso nensaman ed kampo nen Jehova bilang bantay ed lolooban. 20 Si Finehas+ ya anak nen Eleazar+ so pangulo ra nensaman; si Jehova et walad sikato. 21 Si Zacarias+ ya anak nen Meselemias so datin bantay ed lolooban na tolda a pantitiponan.

22 Amin iramay apilin bantay diad entrada na puerta et manbilang na 212. Sikaray manaayam ed pasen a niiter ed sikara unong ed listaan na kapolian da.+ Saraya et inikdan na betang nen David tan nen Samuel a makakatalos na pasingawey+ lapud napanmatalkan ira. 23 Sikara tan saray ananak da so mangaasikaso ed panagbantay diad saray puerta na abung nen Jehova,+ say tolda.* 24 Saray bantay na puerta et wala rad apatiran diking—diad bukig, sagur, amianen, tan abalaten.+ 25 Panapanaon, saray agagi ran walad saray baryo ra et oonla ditan diad loob na pitoy agew pian manlingkor a kaiba ra. 26 Say kimey et inmatalek ed apatiran manuna* a bantay na puerta. Levita ira, tan sikaray mangaasikaso ed saray kuarto* tan saray pasen a pangiinay kayamanan ed abung na tuan Dios.+ 27 Sanlabi ran manbabantay diad kaliberliber na abung na tuan Dios, ta sikara so mangaasikaso ed panagbantay tan angipiyaan na tombok tan kinabuasan dan lulukasan so abung.

28 Arum ed sikara so mangaasikaso ed saray kagawaan+ parad panaglingkor; bibilangen da iratan kapagno isinop da tan kapagno ipaway da. 29 Arum ed sikara so aturon mangasikaso ed arum ni ran kagawaan, amin a masanton kagawaan,+ tan pinon arina,+ alak,+ larak,+ olibano,+ tan larak a balsamo.+ 30 Arum ed saray ananak na saray saserdote et manggagaway puyok a larak a balsamo. 31 Tan si Matitias a Levita, a panguloan ya anak nen Salum a Korahita, so angimatalekan ed kimey a panagluto na saray tirampiak a tinapay.+ 32 Arum ed saray agagi ran Kohatita so mangaasikaso ed nantatapewan a tinapay,*+ pian iparaan itan kada sabaton.+

33 Saraya so managkansion, saray lider na saray pamilya na saray Levita a walad saray kuarto,* saramay agla inikdan na arum nin kimey; ta kaukolan iran mankimey ed agew tan labi. 34 Saraya so lider na saray pamilya na saray Levita unong ed linya na kapolian da, saray papangulo. Saraya et nanayam ed Jerusalem.

35 Say ama na Gibeon a si Jeiel et nanayam ed Gibeon.+ Say ngaran na asawa to et Maaca. 36 Tan say panguloan ya anak to et si Abdon, a tinumbokan nen Zur, Kis, Baal, Ner, Nadab, 37 Gedor, Ahio, Zacarias, tan Miklot. 38 Si Miklot so ama nen Simeam. Tan amin da et nanayam diad asingger ed saray agagi ra ed Jerusalem, a kaibay arum nin agagi ra. 39 Si Ner+ so ama nen Kis; si Kis so ama nen Saul;+ si Saul so ama nen Jonatan,+ Malki-sua,+ Abinadab,+ tan Esbaal. 40 Tan si Jonatan et anak toy Merib-baal.+ Si Merib-baal so ama nen Miqueas.+ 41 Tan saray anak a lalaki nen Miqueas et si Piton, Melec, Tahrea, tan Ahaz. 42 Si Ahaz so ama nen Jara; si Jara so ama nen Alemet, Azmavet, tan Zimri. Si Zimri so ama nen Moza. 43 Si Moza so ama nen Binea, ya anak toy Refaias, ya anak toy Eleasa, ya anak toy Azel. 44 Si Azel et anemira so ananak ton lalaki, tan say kangaranan da et Azrikam, Bocru, Ismael, Searias, Obadias, tan Hanan. Saraya so ananak nen Azel.