Job
7 “Agta say bilay na too diad dalin et singa paskaran a panagtrabaho,
Tan agta saray agew to et singa saray agew na uupaan a trabahador?+
2 Sikatoy singa aripen a manpipirawat na sirom,
Tan singa uupaan a trabahador a manaalagar na upa to.+
3 Kanian say nipabtang ed siak et saray bulan ya anggapoy gunggona
Tan say inyupa ed siak et saray labi a makapagonigon.+
4 Sano akarukol ak et itetepet ko, ‘Kapigan kasi ibangon ko?’+
Balet legan ya onaaralem so labi, pigar ak lan pigar anggad palbangon.*
5 Say laman ko et napnoy bigis tan ginmagalor lan kagit;+
Say baog ko et kinmekegang tan napnoy nena.+
6 Saray agew ko et mas maples ya onlalabas nen say makinan panag-abel,+
Tan manampot iratan ya andiay ilalo.+
8 Samay matan onnenengneng ed siak natan et agto ak la nanengneng;
Anapen ak na matam, balet anggapo ak la.+
11 Kanian, agko pokpokan so sangik.
12 Sakey ak ta a dayat odino baleg ya ayep ed dayat,
A kaukolan mon pabantayan?
13 Sano ibabagak, ‘Ligliwaen ak na ugipan ko;
Ontulong so dukolan ko a nabawasan so ermen ko,’
14 Diad satan et kekebbiewen mo ak ed panamegley na saray kugip
Tan tataktakoten mo ak ed panamegley na saray pasingawey,
15 Kanian pilien ko* so naaposan,
Paulyanan mo ak la, ta saray agew ko et singa labat ingas.+
18 Akin et sikatoy uusisaen mo a kinabuasan
Tan naynay mon susuboken?+
19 Agmo ak la kasi alisay mata
Tan paulyanan a bukor anggan magano labat?+
20 No nankasalanan ak, panon ta kan nasakitan, sika a Manag-imaton ed katooan?+
Akin et nagmaliw a siak so puntiryam?
Nagmaliw ak kasin pabelat ed sika?
21 Akin et agmo peperdonaen so kasalanan ko
Tan papalampasen so lingok?
Ta magano ak lan ondukol diad dabok,+
Tan anapen mo ak, balet ta anggapo ak la.”