Say Kansion nen Solomon
7 “Marakdakep iray salim ya akasandalyas,
O maomaong ya anak a bii!
Saray balibalin ulpom et singa alahas,
Ginawa na eksperton komikimey.
2 Say puseg mo et singa malimpek a yaong.
Ag-itan komon onkulang na tinimplaan ya alak.
Say eges mo et singa lusbo na trigo
Ya apaliberan na saray lirio.
3 Saray susom et singa duaran kilaw ya ulsa,
Saray lason na ulsa a gazela.+
4 Say beklew mo+ et singa torin garing.*+
Say eleng mo et singa tori ed Lebanon,
A manantandag ed Damasco.
Say ari et naayat ed inkakulaney na buek mo.
6 Talagan maganggana ka, tan makapaliket ka
Ed amin na saray panliliketan a maong, O biin inad-arok!
8 Inkuan ko, ‘Onkalab ak ed kiew a palma
Pian bembenan ko ray pugnel na bunga to.’
Saray susom et magmaliw komon a singa saray monil na ubas,
Say ingas mo et singa komon kabalingit na saray mansanas,
9 Tan say sangim* et singa komon sankaabigan a klase na alak.”
“Komon ta balibali itan ya inumen parad lakin pinabpablik,
A kalkalnan onaagus ed bibil na saramay naugip.
10 Para ak labat ed pinabpablik,+
Tan siak labat so pipilaleken to.
11 O pinabpablik, gala,
Onla tad kaumaan;
Manpainawa tad kawalaan na saray tanaman a hena.+
12 Ombangon tay masakbay tan onla tad kaubasan
Pian nanengneng ta no sinmimit* la ray ubas,
No binmuskag la ray rosas,+
Tan no nanrosas la ray kiew a granada.+
Diman et ipatnag koy panangarok ed sika.+
13 Binmalingit la ray tanaman a mandragoras;*+
Diad saray puerta mi et wadman so amin a klase na masamit iran prutas.+
Saray kapanburbor tan saray abayag lan aburbor
Et inyatol ko parad sika, O pinabpablik.