Say Kansion nen Solomon
8 “No komon ta singa ka agik a laki
Ya sinmusod kinen inak!
Diad ontan et angoban ta ka no nanengneng ta kad paway,+
Tan anggapoy mamalaw ed siak.
Painumen ta kay tinimplaan ya alak
Tan kapampespes a tabol na granada.
3 Say kawigin lima to et ombemben ed ulok,
Tan say kawanan a lima to et ilakap tod siak.+
4 O anak a bibii na Jerusalem, sambaan yod siak:
Anggad agko labayen et agyo liliingen so panangarok.”+
5 “Siopa yay biin onsasabi manlapud kalawakan,
Ya akatabin ed pinabpabli to?”
“Diad silong na kiew a mansanas et niliing ta ka.
Ditan nampasakit so inam.
Ditan nampasakit imay angiyanak ed sika.
6 Gawam ak a pinagkatatak ed pusom
Tan pinagkatatak ed taklay mo,
Ta say aro et mabisbiskeg a singa say patey,+
Say apoy to et manliob, say apoy nen Jah.*+
No iyopresi na sakey a laki so amin a kayamanan ed abung to parad aro,
Satan* so balawen a maong.”
8 “Walay agi tayon bii ya ugaw ni+
Tan anggapo ni suso to.
Anto kasi gawaen tayo parad agi tayo
No onsabi agew ya asawaen da la?”
9 “No sikatoy sakey a padir,
Igawaan tayo na pilak a korona so toktok to,
Balet no sikatoy sakey a kapot,
Saraan tayo na tablan sedro.”
10 “Sakey ak a padir,
Tan saray susok et singa saray tori.
Kanian diad pakanengneng to,
Sakey ak a biin mareen so nonot.
11 Walay kaubasan nen Solomon+ diad Baal-hamon.
Inmatalek to yan kaubasan ed saray manag-asikaso.
Mangiiter so kada sakey na sanlibon piraso na pilak parad bunga na satan.
12 Walay sarilik a kaubasan.
Say sanlibon piraso na pilak* et gawam, O Solomon,
Tan say duanlasus et parad saramay mangaasikaso ed saray bunga na satan.”
13 “O sikan manaayam ed saray hardin,+
Narerengel na kakaibak so boses mo.
Komon ta narengel ko met itan.”+
14 “O pinabpablik, apuram,
Pelesan mo a singa ulsa a gazela+
Odino kilaw a kalakian ya ulsa
Diad kapalandeyan a kawalaay pampabalingit iran tanaman.”