Sarag Mon Nakaaro si Jehova

Labay nen Jehova ya sikatoy mas nakabat mo. Akin ey? On, ta no naamtaan mo ray kualidad to, saray gagawaen to, tan no antoy labay to parad sika, mas labay mon kaaroen. Posible kasi ya nakaarom si Jehova? (Basaen so Salmo 25:14.) Antoy gawaen mo pian nakaarom so Dios? Ebatan na Biblia iratan ya tepet tan naamtaan mo met no akin ya importantin maong ya nakaarom si Jehova.

1. Antoy labay nen Jehova ya gawaen mo?

“Onapit kayo ed Dios, tan sikatoy onapit ed sikayo.” (Santiago 4:8) Antoy labay ton ibaga? Labay nen Jehova ya nakaaro to ka. Parad arum, mairap dan nakaaro so Dios ta agda nanenengneng. Pero diad Biblia, say Salita to, ipapaamta nen Jehova iray kualidad to ta pian sikatoy nakaaro tayo. No basaen tayoy mensahe to ya walad Biblia, lalo tayon nakaaro anggano sikatoy agtayo nanenengneng.

2. Akin ya si Jehova so sankamaongan ya nakaarom?

Agnaparaan so panangaro nen Jehova ed sika. Labay to ya maliket ka tan patulongan kad sikato. “Ipaawit yod sikato so amin a kapagaan yo, lapud iyaansakit to kayo.” (1 Pedro 5:7) Naynay ya wadtan si Jehova ya onsuporta, mamabiskeg, tan ondengel ed saray kaaro to.—Basaen so Salmo 94:18, 19.

3. Antoy aanapen nen Jehova ed saray labay ton nakaaro?

Inaro nen Jehova iray totoo, “balet Sikatoy maapit a kaaro na maptek [o makalakal] a too.” (Proverbio 3:32) Labay nen Jehova ya manggaway maong iray kakaaro to tan ag-ira manggaway mauges. Parad arum, mairap ya gawaen so labay nen Jehova tan paliisan iray agto labay. Pero, makasi tan makatalos si Jehova. Labalabay to ya nakaaro iramay mangaaro tan ontutulok ed sikato.—Salmo 147:11; Gawa 10:34, 35.

DAKEL NI NAARALAN MO

4. Kaaro nen Jehova si Abraham

Nabasa tayod Biblia so istorya nen Abraham (tinawag met ya Abram) tan naamtaan tayod satan no panon tayon nakaaro so Dios. Basaen so agawad si Abraham diad Genesis 12:1-4. Insan ebatan iraya:

• Antoy ingganggan nen Jehova ed si Abraham?

• Antoy impromisa nen Jehova ed sikato?

• Antoy ginawa nen Abraham nen ingganggan nen Jehova?

5. No antoy labay nen Jehova ya gawaen na kakaaro to

Wala ray aanapen tayo ed sakey ya kaaro.

• Anto ray labay mon gawaen na kakaarom parad sika?

Basaen so 1 Juan 5:3, insan ebatan iya:

• Antoy labay nen Jehova ya gawaen na saray kakaaro to?

Pian nagawaan tayoy labay nen Jehova, ompan kailangan tayon umanen so ugali o kagagawa tayo. Basaen so Isaias 48:17, 18, insan ebatan iya:

• Akin et labay nen Jehova ya sikatoy dengelen na saray kakaaro to tan manguman ira no kailangan?

6. No panon ya tutulongan nen Jehova iray kakaaro to

VIDEO: Dakdakel so Ginawa nen Jehova Parad Siak (3:20)

• Diad video, panon ya tinulongan nen Jehova imay bii pian nalabanan toy negatibon nononoten tan nalilikna to?

Basaen so Isaias 41:10, 13, insan ebatan iraya:

• Antoy imbaga nen Jehova ya gawaen to parad saray kakaaro to?

• Parad sika, maong kasi ya Kaaro si Jehova? Akin ey?

7. Pian nakaaro tayoy Jehova, dapat mitongtong tan ondengel tayod sikato

Onelet so pankakaaro no walay pantotongtong. Basaen so Salmo 86:6, 11, insan ebatan iraya:

• Panon tayon nakatongtong si Jehova?

• Panon ya mitotongtong si Jehova ed sikatayo?

SUMARYO

Labay nen Jehova ya nakaaro to ka, tan tulongan to ka pian magmaliw kayon malet ya sankaaro.

Rebyu

• Panon ya tutulongan nen Jehova iray kakaaro to?

• Akin et bibilinen nen Jehova iray kakaaro to ya manguman no kailangan?

• Parad sika, masyado kasin mairap so pagagawa nen Jehova ed saray kakaaro to? Akin ey?

DISKOBRIEN

No nakaarom so Dios, antoy nitulong to ed sika?

“Jehova—Dios a Makanan Kabaten” (Say Panag-bantayan, Pebrero 15, 2003)

Aralen no panon ya onelet so pikakaarom ed Dios.

“Paano Ako Magiging Kaibigan ng Diyos?” (Ang mga Tanong ng mga Kabataan—Mga Sagot na Lumulutas, Tomo 2, kabanata 35)

Amtaen no panon ya akatulong ed sakey ya bii so pikakaaro to ed si Jehova pian magmaliw ya maliket so bilay to.

“Agko Labay so Ompatey!” (Say Panag-bantayan No. 1 2017)

Dengelen no antoy imbaga na saray tinedyer ya nalilikna da ed si Jehova.

Panon Mon Nakaaro so Dios? (1:46)

6. No manpabautismo tayo, magmaliw tayo lan parte na pamilya nen Jehova

No manpabautismo tayo, magmaliw tayo lan parte na pamilyan nankakasakey diad interon mundo. Inerman so nanlapuan tayo odino lahi tayo, pareho nin siansia so papanisiaan tan tutumboken tayon prinsipyo tan estandarte ed moral. Basaen so Salmo 25:14 tan 1 Pedro 2:17, insan ebatan iya:

• No say sakey et manpabautismo, antoy epekto na satan ed relasyon tod si Jehova tan ed arum ya mandadayew ed Sikato?

2. Panon a magmaliw ya maliket so bilay tayo natan?

Pinalsa itayo nen Jehova ya walay “espiritual a pankaukolan” tayo. Labay ton ibaga, kailangan tayo so panangigiya to. Atan so rason no akin ya labalabay tayon nakabat tan dayewen. (Basaen so Mateo 5:3-6.) Labay to ya sikatoy nakaaro tayo. Ibibilin to so “panakar ed amin a dalan to,” pangaro ed sikato, tan panlingkor diad “interon” puso. (Deuteronomio 10:12; Salmo 25:14) No gawaen tayo itan, magmaliw tayon maliket, anggano wala ray problema. No mandayew tayod si Jehova, nalikna tayo ya walay direksion na bilay tayo, ta uunoren tayo so panlabayan to.